"Atalanta" yozgi transfer oynasida o‘z hujumchisi Ademola Lukmanni qancha summaga qo‘yib yuborishga tayyorligi ma’lum bo‘ldi.
Tuttomercato xabariga ko‘ra, bergamoliklar jamoasi 60 million yevrolik taklif olsa, nigeriyalik futbolchisi bilan xayrlashishi mumkin. Lukmanga "Manchester Yunayted" va "Nyukasl" klublari jiddiy qiziqish bildirmoqda, deya ta’kidlaydi manba.
Joriy mavsumda 27 yoshli hujumchi barcha musobaqalarda 32 ta uchrashuvda 18 ta gol urishga muvaffaq bo‘ldi. Bundan tashqari, uning hisobida yettita assist mavjud. Lukmanning "Atalanta" bilan mehnat shartnomasi 2026 yilning o‘rtalarida yakuniga yetadi.