"Аталанта" ёзги трансфер ойнасида ўз ҳужумчиси Адемола Лукманни қанча суммага қўйиб юборишга тайёрлиги маълум бўлди.
Tuttomercato хабарига кўра, бергамоликлар жамоаси 60 миллион евролик таклиф олса, нигериялик футболчиси билан хайрлашиши мумкин. Лукманга "Манчестер Юнайтед" ва "Ньюкасл" клублари жиддий қизиқиш билдирмоқда, дея таъкидлайди манба.
Жорий мавсумда 27 ёшли ҳужумчи барча мусобақаларда 32 та учрашувда 18 та гол уришга муваффақ бўлди. Бундан ташқари, унинг ҳисобида еттита ассист мавжуд. Лукманнинг "Аталанта" билан меҳнат шартномаси 2026 йилнинг ўрталарида якунига етади.
