"PSJ"ning hujumkor yarim himoyachisi Bredli Barkolya Germaniya chempionatida ishlash imkoniyatiga ega, bu haqda Todofichajes portali sahifalarida xabar berilgan.
Manbaga ko‘ra, 22 yoshli fransiyalik vinger xizmatlariga Myunxenning "Bavariya" klubi qiziqmoqda. Nemis grandi rahbariyati 2025/2026 yilgi mavsum boshlanishidan oldin o‘zini kuchaytirmoqchi. Myunxenliklar Barkolyaning transferi uchun 100 million yevro taklif qilishga tayyor.
Bredlining parijliklar bilan mehnat shartnomasi 2028 yilning iyun oyi oxirigacha amal qiladi. Liga 1ning joriy mavsumida vinger 26 ta o‘yin o‘tkazib, 13 ta gol urdi va 7 ta golli uzatmani amalga oshirdi.
