"Marsel" prezidenti Pablo Longoria klub nima uchun Pol Pogbani o‘z safiga qo‘shib olmaslikka qaror qilganini tushuntirdi.
O‘tgan yil oxirida yarim himoyachi erkin agentga aylandi - "Yuventus" shartnomasini bekor qildi. 32 yoshli futbolchining uzoq muddatli diskvalifikasiyasi mart oyida nihoyasiga yetdi, biroq u hali ham klub ro‘yxatidan o‘tmagan.
"Biz bu mavsumda Pogbani erkin agent sifatida qo‘lga kiritmaslikka qaror qildik. Muhokamalar bo‘ldi, lekin yakunda uning kelishi jamoadagi muvozanatni buzishi mumkinligini his qildik, chunki uning tiklanishi uchun ko‘p vaqt kerak bo‘ladi" - dedi Longoria.
Yaqinda Pol Pogbaning "Inter Mayamiga" o‘tishi mumkinligi haqida ma’lumotlar paydo bo‘ldi.
