Madridning "Real" klubi hujum chizig‘i yetakchisi Kilian Mbappe yana o‘yinning eng yaxshi futbolchisi deb topildi.

Fransuz Karlo Anchelotti jamoasiga La Liganing 29-turida o‘z maydonida "Leganes"ni mag‘lub etishga yordam berdi (3:2). "Qaymoqranglilar" hujumchisi 32-daqiqada penaltini aniq amalga oshirib, hisobni ochgan bo‘lsa, 76-daqiqada jarima zarbasidan g‘alaba to‘pini kiritdi. Ispaniya OAV ma’lumotlariga ko‘ra, Mbappe joriy mavsumda 12-marta o‘yinning eng yaxshi futbolchisi bo‘ldi - bu "Real"ning barcha futbolchilari orasida eng yaxshi ko‘rsatkichdir.

Yulduz hujumchi "qirollik klubi"da debyut mavsumini o‘tkazmoqda. Uning hisobida joriy mavsumda 45 ta uchrashuvda kiritilgan 33 ta gol bor.