Мадриднинг "Реал" клуби ҳужум чизиғи етакчиси Килиан Мбаппе яна ўйиннинг энг яхши футболчиси деб топилди.

Француз Карло Анчелотти жамоасига Ла Лиганинг 29-турида ўз майдонида "Леганес"ни мағлуб этишга ёрдам берди (3:2). "Қаймоқранглилар" ҳужумчиси 32-дақиқада пенальтини аниқ амалга ошириб, ҳисобни очган бўлса, 76-дақиқада жарима зарбасидан ғалаба тўпини киритди. Испания ОАВ маълумотларига кўра, Мбаппе жорий мавсумда 12-марта ўйиннинг энг яхши футболчиси бўлди - бу "Реал"нинг барча футболчилари орасида энг яхши кўрсаткичдир.

Юлдуз ҳужумчи "қироллик клуби"да дебют мавсумини ўтказмоқда. Унинг ҳисобида жорий мавсумда 45 та учрашувда киритилган 33 та гол бор.