"Manchester Yunayted" keyingi transfer oynasida Alexandro Garnacho bilan xayrlashish imkoniyatini istisno etmayapti. 20 yoshli futbolchi hozirgi murabbiy Ruben Amorim qo‘l ostida har doim ham "qizil iblislar"ning asosiy tarkibiga tushavermaydi.
The United Stand xabariga ko‘ra, murabbiy hali ham argentinalik futbolchiga ishonadi, lekin o‘z pozisiyasida boshqa o‘yinchilarni afzal ko‘radi, shuning uchun klub transfer takliflarini ko‘rib chiqishga tayyor.
Transfermarkt portali ma’lumotlariga ko‘ra, Alexandro Garnachoning narxi 45 million yevroga teng. O‘tgan qishda vingerga Italiyaning "Napoli" va Londonning "Chelsi" klublari qiziqish bildirgandi.
