"Манчестер Юнайтед" кейинги трансфер ойнасида Алехандро Гарначо билан хайрлашиш имкониятини истисно этмаяпти. 20 ёшли футболчи ҳозирги мураббий Рубен Аморим қўл остида ҳар доим ҳам "қизил иблислар"нинг асосий таркибига тушавермайди.
The United Stand хабарига кўра, мураббий ҳали ҳам аргентиналик футболчига ишонади, лекин ўз позициясида бошқа ўйинчиларни афзал кўради, шунинг учун клуб трансфер таклифларини кўриб чиқишга тайёр.
Transfermarkt портали маълумотларига кўра, Алехандро Гарначонинг нархи 45 миллион еврога тенг. Ўтган қишда вингерга Италиянинг "Наполи" ва Лондоннинг "Челси" клублари қизиқиш билдирганди.
