"Fenerbaxche" bosh murabbiyi Joze Mourinyo 10 o‘yinga diskvalifikasiya qilinishi mumkin.
“Galatasaroy” bilan o‘yindan so‘ng portugaliyalik murabbiy Okan Buruchni burnidan ushlab, uni yerga yiqitdi. Buning uchun Mourinyo qizil kartochka oldi.
Hozir mutaxassis jazo bo‘yicha hukmni kutmoqda. Agar burinni chimchilash "sportga xos bo‘lmagan xatti-harakatlar" deb topilsa, Mourinyo 1-3 o‘yinga diskvalifikatsiya qilinishi mumkin.
Agar Mourinyoning xatti-harakati "hujum" deb hisoblansa, FIFA Tartib-intizom qo‘mitasi uni 5-10 o‘yin yoki 45-90 kunga diskvalifikatsiya qilishni tavsiya qiladi.
Eslatib o‘tamiz, “Fenerbaxche” hozirda “Galatasaroy”dan 6 ochko ortda qolib, ikkinchi o‘rinda bormoqda.
