"Lester" bosh murabbiyi Ruud van Nistelroy yarim himoyachi Xarri Uinksni janjal tufayli asosiy tarkibdan chetlatdi.

X ijtimoiy tarmog‘ida jurnalist Jon Persining ma’lum qilishicha, 48 yoshli niderlandiyalik mutaxassis klubning 100 million funt sterlinglik mashg‘ulot bazasida haftada bir kecha tunashdan bosh tortgani uchun futbolchi bilan janjallashib qolgan. Futbolchi shaxsiy sabablarga ko‘ra har kuni Xartfordshirdan mashg‘ulotlarga borib, 100 milga yaqin masofani bosib o‘tadi. Van Nistelroy Uinksni haftada bir marta klub hududidagi mehmonxonada tunashini xohladi.

29 yoshli Uinks APL 30-turidan o‘rin olgan "Manchester Siti"ga (0:2) qarshi o‘yin arafasida jamoa tarkibidan chetlatilgan edi. Joriy mavsumda yarim himoyachi 25 ta o‘yinda maydonga tushib, 1 ta gol va 3 ta golli uzatmani amalga oshirgan.