"Лестер" бош мураббийи Рууд ван Нистелрой ярим ҳимоячи Харри Уинксни жанжал туфайли асосий таркибдан четлатди.

Х ижтимоий тармоғида журналист Жон Персининг маълум қилишича, 48 ёшли нидерландиялик мутахассис клубнинг 100 миллион фунт стерлинглик машғулот базасида ҳафтада бир кеча тунашдан бош тортгани учун футболчи билан жанжаллашиб қолган. Футболчи шахсий сабабларга кўра ҳар куни Хартфордширдан машғулотларга бориб, 100 милга яқин масофани босиб ўтади. Ван Нистелрой Уинксни ҳафтада бир марта клуб ҳудудидаги меҳмонхонада тунашини хоҳлади.

29 ёшли Уинкс АПЛ 30-туридан ўрин олган "Манчестер Сити"га (0:2) қарши ўйин арафасида жамоа таркибидан четлатилган эди. Жорий мавсумда ярим ҳимоячи 25 та ўйинда майдонга тушиб, 1 та гол ва 3 та голли узатмани амалга оширган.