"Barselona" va Fransiya terma jamoasining o‘ng qanot himoyachisi Jyul Kunde anchadan buyon jamoasining o‘yinlarini o‘tkazib yubormayapti.
26 yoshli futbolchi klub va terma jamoa safida ketma-ket 100 ta rasmiy o‘yinda maydonga tushdi va birorta ham o‘yinni o‘tkazib yubormadi, deya xabar beradi Managing Barca. O‘ng qanot himoyachisi oxirgi marta o‘tgan yili zaxira o‘rindig‘ida qolgandi.
Joriy mavsumda Jyul Kunde Xans-Diter Flik jamoasi safida barcha musobaqalarda 47 ta o‘yinda maydonga tushib, 3 ta gol va 8 ta golli uzatmani o‘z hisobiga yozdirib qo‘ydi.
