"Барселона" ва Франция терма жамоасининг ўнг қанот ҳимоячиси Жюль Кунде анчадан буён жамоасининг ўйинларини ўтказиб юбормаяпти.
26 ёшли футболчи клуб ва терма жамоа сафида кетма-кет 100 та расмий ўйинда майдонга тушди ва бирорта ҳам ўйинни ўтказиб юбормади, дея хабар беради Managing Barca. Ўнг қанот ҳимоячиси охирги марта ўтган йили захира ўриндиғида қолганди.
Жорий мавсумда Жюль Кунде Ханс-Дитер Флик жамоаси сафида барча мусобақаларда 47 та ўйинда майдонга тушиб, 3 та гол ва 8 та голли узатмани ўз ҳисобига ёздириб қўйди.
