"Manchester Siti" hujumchisi Erling Xoland X (ilgari Twitter deb atalgan) ijtimoiy tarmog‘ida qo‘lida skeytbord bilan tushgan suratini joylashtirdi.

Norvegiyalik futbolchi ushbu postni quyidagi izoh bilan yozdirdi: «O‘zimni biroz Toni Xoukdek his qildim (mashhur amerikalik professional skeytbordchi)».

Eslatib o‘tamiz, 24 yoshli hujumchi Angliya Kubogi 1/4 finalida "Bornmut"ga qarshi o‘yinda (2:1) chap to‘pig‘iidan jarohat olgan edi. Keyinroq "Manchester Siti" bosh murabbiyi Xosep Gvardiola Xoland 5 haftadan 7 haftagacha maydonga chiqa olmasligini ma’lum qilgan.

Joriy mavsumda Xoland "Manchester Siti" tarkibida barcha musobaqalarda 40 ta o‘yinda ishtirok etdi, 30 ta gol va 4 ta assist muallifiga aylandi. Futbolchining amaldagi shartnomasi 2034 yil yozigacha mo‘ljallangan. Transfermarkt portali ma’lumotlariga ko‘ra, 24 yoshli futbolchining bozor bahosi €200 millionni tashkil etadi.