"Манчестер Сити" ҳужумчиси Эрлинг Холанд Х (илгари Twitter деб аталган) ижтимоий тармоғида қўлида скейтборд билан тушган суратини жойлаштирди.
Норвегиялик футболчи ушбу постни қуйидаги изоҳ билан ёздирди: «Ўзимни бироз Тони Хоукдек ҳис қилдим (машҳур америкалик профессионал скейтбордчи)».
Эслатиб ўтамиз, 24 ёшли ҳужумчи Англия Кубоги 1/4 финалида "Борнмут"га қарши ўйинда (2:1) чап тўпиғиидан жароҳат олган эди. Кейинроқ "Манчестер Сити" бош мураббийи Хосеп Гвардиола Холанд 5 ҳафтадан 7 ҳафтагача майдонга чиқа олмаслигини маълум қилган.
Жорий мавсумда Холанд "Манчестер Сити" таркибида барча мусобақаларда 40 та ўйинда иштирок этди, 30 та гол ва 4 та ассист муаллифига айланди. Футболчининг амалдаги шартномаси 2034 йил ёзигача мўлжалланган. Transfermarkt портали маълумотларига кўра, 24 ёшли футболчининг бозор баҳоси €200 миллионни ташкил этади.
