"Lasio" va "Roma" o‘rtasidagi navbatdagi Rim derbisida g‘olib aniqlanmadi – o‘yin 1:1 hisobida yakunlandi.

Birinchi bo‘limda "Lasio" yaxshiroq harakat qildi va ikkita xavfli vaziyat yaratdi, ammo darvozabon Svilar ishonchli o‘ynadi. Tanaffusdan keyin "burgutlar" standart orqali hisobni ochishdi – Romanyoli Luka Pellegrinining uzatmasini golga aylantirdi.

"Roma" esa o‘yin o‘rtasida javob berdi – Sule chiroyli zarba bilan hisobni tenglashtirdi. Qolgan vaqtda ikkala jamoa ham imkoniyatlarga ega bo‘ldi, ammo gol kiritolmadi. Noslinning oxirgi daqiqalardagi xato zarbasi eng yaxshi imkoniyatlardan biri bo‘ldi.

Mazkur o‘yinda Eldor Shomurodov 59-daqiqada zaxiradan tushirildi va o‘yin oxirigacha maydonda harakat qildi.

32-TURDAN so‘ng "Lasio" A Seriya turnir jadvalining oltinchi pog‘onasini egallab turibdi — jamoa 56 ochko to‘plagan. "Roma" esa shuncha o‘yindan so‘ng 54 ochko bilan yettinchi o‘rinda bormoqda. 2024/2025 yilgi mavsumda Italiya chempionati jadvaliga 32 uchrashuvdan so‘ng 71 ochko to‘plagan "Inter" boshchilik qilmoqda.

Italiya A seriyasi. 32-tur
"LASIO" - "ROMA"
Lasio: Xristos Mandas, Adam Marushich, Samuel Jigo, Alessio Romanyoli, Luka Pellegrini, Matteo Genduzi, Nikolo Rovella, Gustav Isaksen (Pedro 73), Fisayo Dele-Bashiru (Reda Belayan 80), Mattia Dzakkani (Tijjani Noslin 80), Valentin Kastelyanos (Bulaye Dia 73)
Roma: Mile Svilar, Evan Ndika, Djanluka Manchini, Zeki Chelik, Anxelinyo, Aleksis Salemakers (Stefan El-SHaaravi 88), Leandro Paredes (Brayan Kristante 46), Manu Kone, Lorenso Pellegrini (Eldor Shomurodov 59), Matias Sule (Devin Rensx 88), Artem Dovbik (Tommazo Baldansi 84)