Shu kunlarda Buxoro viloyatida O‘zbekiston ko‘zi ojizlar sport federasiyasi tomonidan ko‘zi ojiz va zaif ko‘ruvchi sportchilar o‘rtasida 100 katakli shashka bo‘yicha mamlakat chempionati o‘tkazilmoqda.
Musobaqada respublikamizning barcha hududlaridan kelgan jami 72 nafar sportchi ishtirok etmoqda.
Ayni paytda mamlakat chempionatida Samarqand viloyati jamoasi a’zolari yetakchilik qilishmoqda. Shuningdek, Toshkent shahri hamda Surxondaryo viloyatidan tashrif buyurgan ishtirokchilar ham sovrinli o‘rinlar uchun da’vogarlik qilishmoqda.
