"Inter" himoyachisi Benjamen Pavar Chempionlar Ligasi yarim finaliga chiqish masalasiga izoh berdi. Chorak finalda uning jamoasi "Bavariya"dan ustun keldi. Germaniyadagi dastlabki uchrashuv "neradzurrilar"ning 2:1 hisobidagi g‘alabasi bilan yakunlangan bo‘lsa, Milanda raqiblar 2:2 hisobidagi durangga imzo chekishdi. Yarim finalda "Inter" "Barselona" bilan kuch sinashadi.
"Gol meni juda xursand qildi, lekin hammasidan ham himoyada jiddiy sinovdan o‘tgan va katta maqsadga erishgan jamoa uchun baxtliman. Bu oson bo‘lmadi, lekin biz oson bo‘lmasligini bilardik. Biz katta ish qildik", - dedi Pavar.
