"Интер" ҳимоячиси Бенжамен Павар Чемпионлар Лигаси ярим финалига чиқиш масаласига изоҳ берди. Чорак финалда унинг жамоаси "Бавария"дан устун келди. Германиядаги дастлабки учрашув "нерадзуррилар"нинг 2:1 ҳисобидаги ғалабаси билан якунланган бўлса, Миланда рақиблар 2:2 ҳисобидаги дурангга имзо чекишди. Ярим финалда "Интер" "Барселона" билан куч синашади.
"Гол мени жуда хурсанд қилди, лекин ҳаммасидан ҳам ҳимояда жиддий синовдан ўтган ва катта мақсадга эришган жамоа учун бахтлиман. Бу осон бўлмади, лекин биз осон бўлмаслигини билардик. Биз катта иш қилдик", - деди Павар.
