Karlo Anchelotti yaqin kelajakda ish joyini o‘zgartirishi mumkin. Matbuotda italiyalik mutaxassis tez orada - Ispaniya kubogi finalida "Barselona"ga qarshi o‘yindan so‘ng (26 aprel kuni bo‘lib o‘tadigan o‘yin) "Real" boshqaruvidan ketishi haqida ma’lumotlar paydo bo‘ldi.
Anchelottining keyingi jamoasi Braziliya terma jamoasi bo‘lishi mumkin. Sky Sports xabariga ko‘ra, kelishuvda Karlo bilan aloqada bo‘lgan braziliyalik biznesmen Roberto Fernandes vositachilik qilishga urinmoqda. Uning jarayondagi ishtiroki "strategik" deb ta’riflanadi.
Shu bilan birga, Braziliya futbol konfederasiyasi terma jamoaning iyun oyidagi yig‘iniga qadar yangi murabbiy tayinlashi muhimligi qayd etilgan. Iyun oyida Braziliya terma jamoasi JCH-2026 saralashida Ekvador va Paragvayga qarshi o‘yinlar o‘tkazadi.
