Карло Анчелотти яқин келажакда иш жойини ўзгартириши мумкин. Матбуотда италиялик мутахассис тез орада - Испания кубоги финалида "Барселона"га қарши ўйиндан сўнг (26 апрель куни бўлиб ўтадиган ўйин) "Реал" бошқарувидан кетиши ҳақида маълумотлар пайдо бўлди.
Анчелоттининг кейинги жамоаси Бразилия терма жамоаси бўлиши мумкин. Sky Sports хабарига кўра, келишувда Карло билан алоқада бўлган бразилиялик бизнесмен Роберто Фернандес воситачилик қилишга уринмоқда. Унинг жараёндаги иштироки "стратегик" деб таърифланади.
Шу билан бирга, Бразилия футбол конфедерацияси терма жамоанинг июнь ойидаги йиғинига қадар янги мураббий тайинлаши муҳимлиги қайд этилган. Июнь ойида Бразилия терма жамоаси ЖЧ-2026 саралашида Эквадор ва Парагвайга қарши ўйинлар ўтказади.













