Ispaniya La Ligasining 32-turidan o‘rin olgan «Barselona» va «Selta» jamoalari o‘rtasidagi uchrashuv o‘z nihoyasiga yetdi. Ushbu bellashuv Kataloniyadagi «Olimpik Lyuis Kompanis» stadionida bo‘lib o‘tdi. «Barselona» dramatik kechgan o‘yin 4:3 hisobida g‘alaba qozondi.

O‘yindagi hisobni 12-daqiqada «Barselona» hujumchisi Ferran Torres ochdi. Oradan uch daqiqa o‘tib, «Selta» forvardi Borxa Iglesias hisobni tenglashtirdi.

Ikkinchi bo‘limning 52 va 62-daqiqalarda Iglesias yana ikki gol urdi va xet-trik qayd etdi. 64-daqiqada Dani Olmo javob goli urib, hisobni 2:3 ko‘rinishiga olib keldi. 68-daqiqada esa Rafinyaning goli natijani tenglashtirdi.

O‘yinga vaqtiga qo‘shib berilgan 90+8-daqiqada Rafinya penaltidan gol urib, jamoasiga g‘alaba keltirdi va dubl rasmiylashtirdi.

Bu g‘alabadan so‘ng «Barselona» 32 uchrashuvdan keyin 73 ochko jamg‘argan holda Ispaniya chempionligi uchun kurashda peshqadamlik qilmoqda. «Real» bir o‘yin kam o‘tkazgan bo‘lsa-da, 7 ochkoga ortda qolmoqda. «Selta» esa 43 ochko bilan jadvalda 7-o‘rinda bormoqda.

Ispaniya — Primera divizion. 32-tur  
«Olimpik Lyuis Kompanis», Barselona
Barselona — Selta 4:3  
Gollar:
12' — 1:0 Ferran Torres  
15' — 1:1 Borxa Iglesias  
52' — 1:2 Borxa Iglesias  
62' — 1:3 Borxa Iglesias  
64' — 2:3 Dani Olmo  
68' — 3:3 Rafinya  
90+8' — 4:3 Rafinya (penalti)