Испания Ла Лигасининг 32-туридан ўрин олган «Барселона» ва «Сельта» жамоалари ўртасидаги учрашув ўз ниҳоясига етди. Ушбу беллашув Каталониядаги «Олимпик Льюис Компанис» стадионида бўлиб ўтди. «Барселона» драматик кечган ўйин 4:3 ҳисобида ғалаба қозонди.

Ўйиндаги ҳисобни 12-дақиқада «Барселона» ҳужумчиси Ферран Торрес очди. Орадан уч дақиқа ўтиб, «Сельта» форварди Борха Иглесиас ҳисобни тенглаштирди.

Иккинчи бўлимнинг 52 ва 62-дақиқаларда Иглесиас яна икки гол урди ва хет-трик қайд этди. 64-дақиқада Дани Ольмо жавоб голи уриб, ҳисобни 2:3 кўринишига олиб келди. 68-дақиқада эса Рафиньянинг голи натижани тенглаштирди.

Ўйинга вақтига қўшиб берилган 90+8-дақиқада Рафинья пенальтидан гол уриб, жамоасига ғалаба келтирди ва дубль расмийлаштирди.

Бу ғалабадан сўнг «Барселона» 32 учрашувдан кейин 73 очко жамғарган ҳолда Испания чемпионлиги учун курашда пешқадамлик қилмоқда. «Реал» бир ўйин кам ўтказган бўлса-да, 7 очкога ортда қолмоқда. «Сельта» эса 43 очко билан жадвалда 7-ўринда бормоқда.

Испания — Примера дивизион. 32-тур  
«Олимпик Льюис Компанис», Барселона
Барселона — Сельта 4:3  
Голлар:
12' — 1:0 Ферран Торрес  
15' — 1:1 Борха Иглесиас  
52' — 1:2 Борха Иглесиас  
62' — 1:3 Борха Иглесиас  
64' — 2:3 Дани Ольмо  
68' — 3:3 Рафинья  
90+8' — 4:3 Рафинья (пенальти)