Londonning "Arsenal" klubi bosh murabbiyi Mikel Arteta nima uchun jamoasi Premyer-liganing joriy mavsumida tez-tez durang o‘ynayotganini aytib o‘tdi.

Chorshanba kuni "kanonirlar" "Kristal Pelas" bilan o‘z maydonida 2:2 hisobida durang o‘yinda. Bu "Arsenal" uchun chempionatdagi 13-durang bo‘ldi. Faqat "Everton" raqiblari bilan yanada ko‘proq (14 marta) murosa ko‘chasini tanlagan.

"Ko‘plab sabablarga ko‘ra o‘yinlarni g‘alabagacha yetkaza olmayapmiz. Ba’zi hollarda raqiblarni maqtashdan boshqa iloj qolmaydi, ammo biz besh marta o‘n kishi bo‘lib qoldik. Turli omillar mavjud, ammo o‘tmishda biz bunday vaziyatlarda yaxshiroq ishlaganimizni inkor etishdan ma’no yo‘q. Bugun ham biz g‘alabaga erishishimiz kerak edi," - dedi Arteta matbuot anjumanida.