Yevropa futbol rahbariyati Chempionlar ligasi pley-off o‘yinlarida durang qayd etilgan taqdirda qo‘shimcha vaqtni bekor qilish g‘oyasiga qaytishga qaror qiladi. Bu haqda Germaniyaning Bild nashri xabar berdi.
Manbaga ko‘ra, UEFA vakillari klub vakillari bilan tegishli maslahatlashuvlarni o‘tkazishni boshlagan. Agar qo‘shimcha 30 daqiqalik o‘yin bekor qilinsa, jamoalar kamroq kuch sarflagan holda penaltilar seriyasiga o‘tishlari mumkin bo‘ladi.
Shuningdek, chorak final bosqichiga qadar yevrokuboklarda bir mamlakat klublarini o‘zaro o‘yinlarini ajratish rejalashtirilgan. Bu rejalarning barchasi 30 may kuni bo‘lib o‘tadigan UEFA yig‘ilishidan so‘ng amalga oshishi mumkin.
