"Betis" o‘ng qanot hujumchisi Antoni bilan hamkorlikni davom ettirishdan manfaatdor, u hozirda "Manchester Yunayted"dan ijara asosida o‘ynamoqda. Bu haqda Nikolo Skira xabar berdi.
Unga ko‘ra, klublar 25 yoshli braziliyalik futbolchining keyingi mavsumda Ispaniya jamoasida qolishi borasida muzokaralar olib borishmoqda.
Antoni “Betis”ga 2025 yilning yanvarida ijara asosida o‘tgan edi. Bu vaqt ichida u klub safida barcha turnirlar doirasidagi 18ta o‘yinda 5ta gol urdi va 4ta golli uzatmani amalga oshirdi.













