Shanba kuni “Seltik” Shotlandiya chempionati doirasida safarda “Dandi Yunayted”ga qarshi bahs olib bordi.
“Oq-yashillar” o‘z muxlislarini 5:0 hisobida yirik g‘alaba bilan xursand qilishdi.
Beshta goldan uchtasini Glazgo jamoasi tanaffusga qadar kiritdi.
Natijada «Seltik» chempionlik unvonini qo‘lga kiritdi. "Seltik" qatorasiga to‘rtinchi va tarixda 55-marta Shotlandiya chempioni bo‘ldi. Liga yakunlanishiga yana 4 tur qolganda ushbu voqea sodir bo‘ldi.
Eslatib o‘tamiz, Shotlandiya chempionatida oltin medallar uchun jiddiy kurash bo‘lmagan. Ayni damda birinchi o‘rinni rasmiylashtirgan “Seltik” hisobida 84 ochko bor, ikkinchi o‘rindagi "Renjers"da esa 66 ochko mavjud.
