Шанба куни “Селтик” Шотландия чемпионати доирасида сафарда “Данди Юнайтед”га қарши баҳс олиб борди.
“Оқ-яшиллар” ўз мухлисларини 5:0 ҳисобида йирик ғалаба билан хурсанд қилишди.
Бешта голдан учтасини Глазго жамоаси танаффусга қадар киритди.
Натижада «Селтик» чемпионлик унвонини қўлга киритди. "Селтик" қаторасига тўртинчи ва тарихда 55-марта Шотландия чемпиони бўлди. Лига якунланишига яна 4 тур қолганда ушбу воқеа содир бўлди.
Эслатиб ўтамиз, Шотландия чемпионатида олтин медаллар учун жиддий кураш бўлмаган. Айни дамда биринчи ўринни расмийлаштирган “Селтик” ҳисобида 84 очко бор, иккинчи ўриндаги "Ренжерс"да эса 66 очко мавжуд.
