"Barselona" vingeri Lamin Yamal Ispaniya kubogi finalida "Real" ustidan qozonilgan g‘alabadan so‘ng faoliyatidagi to‘rtinchi sovrinni qo‘lga kiritdi. Ushbu o‘yinda u ikkita golli uzatmani amalga oshirdi.

Ispaniya kubogi sovrinidan tashqari, futbolchida 2024 yilgi Yevropa chempionati, Ispaniya Superkubogi va 2022/23 yilgi mavsum Ispaniya chempionatidagi g‘alabalar uchun mukofotlar bor.

Ispaniya kubogini qo‘lga kiritgan vaqtda futbolchining yoshi 17 yosh-u 287 kun edi.

"Barselona" navbatdagi o‘yinini 30 aprel kuni Chempionlar ligasi yarim finali doirasida "Inter"ga qarshi o‘tkazadi. O‘yin Barselonada bo‘lib o‘tadi.