Ruben Amorimning fikricha, Premyer-ligada "Bornmut" bilan 1:1 hisobidagi durang haqli edi.
"O‘ylashimcha, biz bunga loyiq edik. Birinchi bo‘limda raqibning kuchli pressingi tufayli muammolarga duch keldik, ammo vaziyatlar yaratdik. Bizda ham jarima maydonchasi yaqinida shunga o‘xshash vaziyatlar bo‘ldi, ko‘p zarba berdik. O‘ylaymanki, o‘yinimizdan kelib chiqib, kamida bir ochkoga loyiq edik.
So‘nggi o‘yinlarimizga e’tibor qaratsangiz, har doim shunday bo‘lishini ko‘rishingiz mumkin: biz raqibning ustunlikka erishishiga yordam beradigan ishlarni qilamiz. Shundan so‘ng gol urish qiyin bo‘ladi. Futbolchilar bizga hech bo‘lmaganda bir ochko olish uchun astoydil harakat qilishdi.
Ikki ochko yo‘qotdik. Biz g‘alaba qozonmadik. Ammo Yevropa ligasi kontekstida buning ahamiyati yo‘q, bu boshqa musobaqa", - dedi “Manchester Yunayted” bosh murabbiyi.
