"PSJ" vingeri Xvicha Kvarasxeliya Fransiya jamoasidagi moslashish davri muvaffaqiyatli o‘tganini aytdi.

"Qishki transfer har doim qiyin. Mavsum o‘rtasida jamoaga qo‘shilasan. Hammasi murakkab, moslashishga vaqt juda oz. Lekin moslashish davri muvaffaqiyatli o‘tdi deb o‘ylayman.

Men o‘zimni baxtli his qilyapman va bu, albatta, menga maydonda o‘z o‘rnimni topishga yordam beradi. Dastlabki daqiqalardanoq muxlislarning kuchli qo‘llab-quvvatlashini his qildim. Keyin maydonga chiqqanimda o‘zimni ham baxtli, ham muhim futbolchi his qildim", - deya Kvarasxeliyaning so‘zlarini keltiradi UEFA rasmiy sayti.

Kvarasxeliya parijliklar safiga yanvar oyi o‘rtalarida qo‘shildi. Xvicha parijliklar safida 21 ta o‘yin o‘tkazib, 4 ta gol urdi va 5 ta golli uzatmani amalga oshirdi.