"Chelsi" hujumchisi Joau Feliks ijara asosida to‘p tepayotgan "Milan" haqida fikr bildirdi.

"Rossonerilar" portugaliyalikni qishki transferlar oynasida joriy mavsum yakuniga qadar ijaraga oldi.

"Taklif bo‘lishidan oldin ham "Milan" o‘yinlarini tomosha qilardim va bu futbolkada o‘ynash ajoyib bo‘lardi, deb o‘ylardim. "Milan" varianti paydo bo‘lgach, agentimdan bitim amalga oshishi uchun qo‘lidan kelgan barcha ishni qilishni so‘radim. "Milan" jahon futboli elitasida "Barselona," "Real" va yana bir qancha klublar bilan bir qatorda turadi. Bu jamoada o‘ynash alohida narsa. Bunday imkoniyatdan voz kechish qiyin," - dedi Feliks La Gazzetta dello Sport nashriga bergan intervyusida.