"Челси" ҳужумчиси Жоау Феликс ижара асосида тўп тепаётган "Милан" ҳақида фикр билдирди.
"Россонерилар" португалияликни қишки трансферлар ойнасида жорий мавсум якунига қадар ижарага олди.
"Таклиф бўлишидан олдин ҳам "Милан" ўйинларини томоша қилардим ва бу футболкада ўйнаш ажойиб бўларди, деб ўйлардим. "Милан" варианти пайдо бўлгач, агентимдан битим амалга ошиши учун қўлидан келган барча ишни қилишни сўрадим. "Милан" жаҳон футболи элитасида "Барселона," "Реал" ва яна бир қанча клублар билан бир қаторда туради. Бу жамоада ўйнаш алоҳида нарса. Бундай имкониятдан воз кечиш қийин," - деди Феликс La Gazzetta dello Sport нашрига берган интервьюсида.
