Ispaniyaning "Real" klubi yozda "Kristal Pelas" va Angliya terma jamoasi yarim himoyachisi Adam Uortonga qiziqish bildirmoqda.
"Real Madrid"ning eng yaxshi skauti Juni Kalafat 21 yoshli Uortonning ashaddiy muxlisi, deya xabar beradi Daily Mail.
"Real Madrid" Uortonning operasiyasidan qaytganidan so‘ng uni bir necha bor kuzatgan.
Jarohatdan tuzalgach, Uorton o‘zining Premyer-ligadagi eng yaxshi yarim himoyachilardan biri sifatidagi obro‘sini tasdiqladi va "Pelas"ning Angliya kubogi finaliga chiqishiga yordam berdi.
Uortonga "Manchester Siti", "Manchester Yunayted" va "Liverpul" ham qiziqish bildirmoqda, ammo "shaharliklar" yanvar oyida yarim himoya chizig‘ini Niko Gonsales bilan kuchaytirdilar, "Qizil iblislar" va "mersisaydliklar" esa boshqa pozisiyalarni o‘zlarining ustuvor vazifalari sifatida ko‘rishmoqda.
"Pelas" Uortonga juda qiziqadi va manfaatdor klublardan 70 million funt talab qilishga tayyor.













