Bugun “Inter” va “Barselona” o‘rtasida Chempionlar Ligasi yarim finalining javob uchrashuvi bo‘lib o‘tadi. Birinchi o‘yin 3:3 hisobi bilan yakunlangandi. Afsonaviy murabbiy Fabio Kapello “Inter” raqibni qanday zararsizlantirishi mumkinligini aytdi.

“Jarohatlarga qaramasdan, menimcha, Indzagi yarim himoyadan, ayniqsa, Chalxano‘g‘lidan ko‘proq narsa talab qilishi kerak. Menga turk futbolchisi raqib bosimi ostida eng ko‘p qiynalgandek tuyuldi. U, Barella va Mxitaryan tezkor va jasur o‘yin namoyish etishi lozim, aks holda to‘p doimo yaxshi tayyorgarlikka ega kataloniyaliklarga qaytib turadi.

Lamin Yamalni ham eslab o‘tish kerak. U “San-Siro”da ilk marta to‘p tepadi, lekin undan qo‘rqishni kutmang. U zaif bolaga o‘xshamaydi. Aksincha, Yevropa chempionati, Chempionlar Ligasi va “Real”ga qarshi o‘yinlarda u qay darajada chempionga xos xislatlarga ega ekanini ko‘rsatgan — o‘yin qanchalik muhim bo‘lsa, u shunchalik yaxshi o‘ynaydi.

Shuning uchun umid qilamanki, agar o‘yin teng kechsa, “Inter” “Bavariya”ga qarshi oxirgi 20 daqiqada qilganidek, to‘liq himoyaga o‘tmaydi. Laminga qarshi bunday yondashuv o‘zini halokatga olib borishi mumkin”, — dedi “Yuventus” va “Milan”ning sobiq murabbiyi.