“Manchester Yunayted” va “Atletik” Bilbao jamoalari sobiq yarim himoyachisi Ander Errera Yevropa Ligasi yarim finalidagi ushbu jamoalar to‘qnashuviga munosabat bildirdi.
Birinchi o‘yin Bilbaoda bo‘lib o‘tdi va unda “qizil iblislar” 3:0 hisobida yirik g‘alaba qozondi. Javob uchrashuvi 8 may kuni “Old Trafford”da bo‘lib o‘tadi.
“Umid qilamanki, finalga "Atletik" chiqadi. Bu ajoyib o‘yin bo‘ladi. Men Argentinada bo‘lishimga qaramay, bu uchrashuvni albatta tomosha qilaman”, — dedi hozirda “Boka Xuniors” safida to‘p tepayotgan 35 yoshli Errera Diario AS nashriga bergan intervyusida.
