Yevropa Ligasi finaliga “Manchester Yunayted” va “Tottenxem” chiqqani ortidan Angliya Premyer-Ligasida katta yangilik yuz berdi — 2025/26 yilgi mavsumda Chempionlar Ligasida Angliyadan 6 ta jamoa ishtirok etadi.
Bunga Yevropa Ligasi g‘olibining avtomatik ravishda kelasi mavsumdagi CHLga yo‘llanma olishi sabab bo‘ldi. APLdagi reglamentga ko‘ra, Chempionlar Ligasiga 1–5-o‘rin egalari yo‘l oladi. Biroq “MYU” ham, “Tottenxem” ham bu mavsumda ligada 5 ta yuqori o‘rindan biriga yetishi deyarli imkonsiz. Shu boisdan, ulardan biri Yevropa Ligasini yutsa, Angliyaning CHLdagi umumiy kvotasi 5 ta emas, 6 tagacha kengayadi.
