Европа Лигаси финалига “Манчестер Юнайтед” ва “Тоттенхэм” чиққани ортидан Англия Премьер-Лигасида катта янгилик юз берди — 2025/26 йилги мавсумда Чемпионлар Лигасида Англиядан 6 та жамоа иштирок этади.

Бунга Европа Лигаси ғолибининг автоматик равишда келаси мавсумдаги ЧЛга йўлланма олиши сабаб бўлди. АПЛдаги регламентга кўра, Чемпионлар Лигасига 1–5-ўрин эгалари йўл олади. Бироқ “МЮ” ҳам, “Тоттенхэм” ҳам бу мавсумда лигада 5 та юқори ўриндан бирига етиши деярли имконсиз. Шу боисдан, улардан бири Европа Лигасини ютса, Англиянинг ЧЛдаги умумий квотаси 5 та эмас, 6 тагача кенгаяди.