Germaniyalik hakam Feliks Svayer Yevropa ligasi finalida "Tottenxem" – "Manchester Yunayted" o‘yinini boshqarishga tayinlandi.

Bu haqda The Athletic nashri xabar bermoqda.

Eng qizig‘i, Svayer kelishilgan o‘yinlar bilan bog‘liq mojaroga aralashgan. 2005 yilda u Germaniya futbol assosiasiyasi (DFB) tomonidan olti oyga diskvalifikasiya qilingan.

Svayer germaniyalik ikkinchi divizion hakami Robert Xoyserni fosh qilganlardan biri bo‘lib, u belgilangan o‘yinda ishtirok etgan. Buning ortidan Xoyzer umrbod diskvalifikasiya qilindi.

Feliks har doim "Vuppertal" va "Verder" o‘rtasidagi kelishilgan o‘yinlarga aloqadorligini rad etib keladi. DFB tergovi uning o‘yin natijasiga ta’sir qilgani haqida hech qanday dalil topmadi.

Biroq Svayer Xoyzerdan 300 yevro olgani ma’lum bo‘ldi. U taklifni rad etmagani uchun, keyin esa 43 yoshli nemis bu haqda to‘g‘ri xabar bermagani uchun diskvalifikasiya qilindi.

Feliks Svayer 2012 yildan beri FIFA referisi hisoblanadi. U asosan Bundesligada ishlaydi, shuningdek, UYEFA o‘yinlarida ham muntazam ishtirok etadi. U 2023 yilda Ispaniya va Italiya o‘rtasidagi UYEFA Millatlar ligasi finali va Angliya va Niderlandiya o‘rtasidagi Yevro-2024 yarim finali o‘yinlarini boshqargan.

Eslatib o‘tamiz, "Tottenxem" va "Manchester Yunayted" o‘rtasidagi Yevropa ligasi final uchrashuvi 21 may kuni Bilbaodagi "San-Mames" stadionida bo‘lib o‘tadi.