Madridning “Real” klubi himoyachisi Xesus Valyexo Ispaniya chempionatining 36-turidan o‘rin olgan “Malyorka”ga (2:1) qarshi o‘yinda golli uzatmani amalga oshirdi. O‘yinga qo‘shib berilgan 5-daqiqada u Xakobo Ramonga assistentlik qildi.
Opta xabariga ko‘ra, 28 yoshli ispaniyalik futbolchi faoliyatidagi ilk golli uzatmani amalga oshirgan. Buning uchun unga barcha musobaqalarda 121 ta o‘yin kerak edi.
"Real" hisobida 78 ochko bor va La Liga turnir jadvalida 2-o‘rinda bormoqda. Peshqadam “Barselona” bilan oradagi farq 4 ochkoni tashkil etadi.
