Angliyalik himoyachi Mark Gexi yozda klubini o‘zgartirishi mumkin - TeamTalk xabariga ko‘ra, "Nyukasl" 24 yoshli futbolchi uchun kurashda favorit hisoblanadi va unga qiziqish bildirayotgan "Chelsi"ni ortda qoldirmoqda.
Angliya terma jamoasiga muntazam ravishda chaqirilayotgan Gexi "Kristal Pelas"dagi ishonchli o‘yinlari bilan e’tiborni tortdi.
U joriy mavsum 43 ta uchrashuvda maydonga tushib, o‘z hisobiga 3 ta gol va 2 ta golli uzatmani yozdirib qo‘ydi. Shuningdek, uning aktivida bitta qizil kartochka bor. Transfermarkt ma’lumotiga ko‘ra, markaziy himoyachining transfer narxi 45 million yevroni tashkil qilmoqda.
"Nyukasl" uni kelasi mavsum uchun mudofaa chizig‘ining asosiy kuchaytiruvchisi sifatida ko‘rmoqda.
