Англиялик ҳимоячи Марк Гехи ёзда клубини ўзгартириши мумкин - TeamTalk хабарига кўра, "Ньюкасл" 24 ёшли футболчи учун курашда фаворит ҳисобланади ва унга қизиқиш билдираётган "Челси"ни ортда қолдирмоқда.

Англия терма жамоасига мунтазам равишда чақирилаётган Гехи "Кристал Пэлас"даги ишончли ўйинлари билан эътиборни тортди.

У жорий мавсум 43 та учрашувда майдонга тушиб, ўз ҳисобига 3 та гол ва 2 та голли узатмани ёздириб қўйди. Шунингдек, унинг активида битта қизил карточка бор. Transfermarkt маълумотига кўра, марказий ҳимоячининг трансфер нархи 45 миллион еврони ташкил қилмоқда.

"Ньюкасл" уни келаси мавсум учун мудофаа чизиғининг асосий кучайтирувчиси сифатида кўрмоқда.