Angliyalik sobiq markaziy himoyachi, “Manchester Yunayted” klubi afsonasi Rio Ferdinand hozirgi paytda dunyoning eng kuchli futbolchisi kimligini aytib o‘tdi. Bu haqda Championat nashri xabar berdi.

Unga ko‘ra, “Barselona”ning 17 yoshli iqtidor egasi Lamin Yamal hozirga paytda top darajada o‘yin ko‘rsatmoqda.

"Hozirgi paytda dunyodagi eng yaxshi futbolchi — Lamin Yamal. Men bu bolani juda yaxshi ko‘raman. Lamin futbolni boshqacha o‘ynaydigandek tuyuladi. Go‘yo uning harakatlari 28 yoshli futbolchidek, ammo Yamalning yoshi atigi 17 da. Eng muhim vaziyatlarda ham bosimsiz, xotirjam qarorlar qabul qiladi. Men Yevropa Chempionlar Ligasi yarim finalining “Inter”ga qarshi birinchi o‘yinida uning harakatlarini bevosita stadiondan kuzatdim. Eng zo‘r joyda o‘tirgan edim, ya’ni aynan u harakat qilgan qanotdan o‘yinni tomosha qildim. Birinchi taym davomida ko‘zim undan uzilmadi. Bu — fantastika va so‘nggi yillardagi eng zo‘r taymlarimdan biri edi", deya Ferdinandning so‘zlarini keltiradi Mundo Deportivo nashri.

Ma’lumot uchun, Lamin Yamal joriy mavsum “Barselona” safida barcha turnirlar doirasidagi 54 ta o‘yinda maydonga tushib, o‘z hisobiga 18 ta gol hamda 25 ta golli uzatma yozdirib qo‘ydi.