"Manchester Yunayted" darvozaboni Altay Bayindir yaqinlashib kelayotgan transfer oynasida sotib yuborilishi mumkin.

Turkiyalik futbolchi maydonga ko‘p tushmadi, ammo tushgan o‘yinlarda ham bir nechta golli xatolarga yo‘l qo‘yishga ulgurdi, buning uchun Andre Onana kabi tanqidlarga uchradi. Ko‘rinib turibdiki, kelgusi yozda Bayindir sotiladi, deydi jurnalist Pol Xyorst. "Qizil iblislar" rahbariyati Onana bilan asosiy tarkib uchun kurasha oladigan boshqa darvozabonni o‘z safiga qo‘shib olishni rejalashtirmoqda.

Altay Bayindir joriy mavsum "Manchester Yunayted" safida 9 ta o‘yinda maydonga tushdi va 18 ta gol o‘tkazib yubordi. Transfermarkt portali 27 yoshli kiperning narxini 10 mln yevroga baholamoqda.