"Манчестер Юнайтед" дарвозабони Алтай Байиндир яқинлашиб келаётган трансфер ойнасида сотиб юборилиши мумкин.

Туркиялик футболчи майдонга кўп тушмади, аммо тушган ўйинларда ҳам бир нечта голли хатоларга йўл қўйишга улгурди, бунинг учун Андре Онана каби танқидларга учради. Кўриниб турибдики, келгуси ёзда Байиндир сотилади, дейди журналист Пол Хёрст. "Қизил иблислар" раҳбарияти Онана билан асосий таркиб учун кураша оладиган бошқа дарвозабонни ўз сафига қўшиб олишни режалаштирмоқда.

Алтай Байиндир жорий мавсум "Манчестер Юнайтед" сафида 9 та ўйинда майдонга тушди ва 18 та гол ўтказиб юборди. Transfermarkt портали 27 ёшли кипернинг нархини 10 млн еврога баҳоламоқда.