"Napoli" bosh murabbiyi Antonio Kontening hamkorlikni davom ettirish bo‘yicha talablari ma’lum bo‘ldi.
Italiyaning Il Mattino nashri xabariga ko‘ra, Konte rahbariyatdan 8-9 nafar yangi futbolchiga sarflanishi rejalashtirilgan transferlar uchun 200 million yevro talab qilgan. Bundan tashqari, murabbiy futbolchilarning umumiy maoshini 80 million yevrodan 110 million yevrogacha oshirishga erishmoqchi.
37-turdan so‘ng “Napoli” 79 ochko to‘plagan holda A Seriya turnir jadvalida peshqadamlik qilmoqda. “Inter” bilan oradagi farq atigi bir ochko.
