"Наполи" бош мураббийи Антонио Контенинг ҳамкорликни давом эттириш бўйича талаблари маълум бўлди.
Италиянинг Il Mattino нашри хабарига кўра, Конте раҳбариятдан 8-9 нафар янги футболчига сарфланиши режалаштирилган трансферлар учун 200 миллион евро талаб қилган. Бундан ташқари, мураббий футболчиларнинг умумий маошини 80 миллион евродан 110 миллион еврогача оширишга эришмоқчи.
37-турдан сўнг “Наполи” 79 очко тўплаган ҳолда А Серия турнир жадвалида пешқадамлик қилмоқда. “Интер” билан орадаги фарқ атиги бир очко.
