"Manchester Siti" yarim himoyachisi Kevin de Bryuyne Italiyaga ko‘chib o‘tishga tayyorgarlik ko‘rmoqda.
Yulduz belgiyalik futbolchi "Napoli" bilan kelishib olgani haqida avval xabar berilgandi. Jurnalist Jek Gagan xabariga ko‘ra, bitim yaqin ikki hafta ichida yopiladi. 33 yoshli xavbek Italiya chempionlari safiga tekinga qo‘shiladi, chunki uning "Manchester Siti" bilan shartnomasi yozda yakunlanadi.
Kevin de Bryuyne "shaharliklar" safida o‘n yil to‘p tepdi. Joriy mavsumda futbolchi Xosep Gvardiola jamoasi safida barcha musobaqalarda 39 ta o‘yinda maydonga tushdi va o‘z hisobiga 6 ta gol hamda 8 ta golli uzatma yozdirib qo‘ydi.
