"Barselona" 17 yoshli Lamin Yamal bilan shartnomani uzaytirishga yaqin turibdi.
Ishonchli ma’lumotlarga ko‘ra, vinger tez orada 2031 yilgacha mo‘ljallangan shartnomaga imzo chekadi. Jurnalist Toni Xuanmartining ma’lum qilishicha, kelishuvda yulduzli ispaniyalik "Oltin to‘p"ni qo‘lga kiritgan taqdirda kuchga kiradigan maxsus bonus qayd etiladi.
Lamin Yamal bu yil ham sovrin uchun kurashishi mumkin - u "Barsa"dagi muvaffaqiyatli mavsumdan so‘ng 18 ta gol va 25 ta golli uzatma bilan asosiy da’vogarlardan biri hisoblanadi.
