"Milan" mavsumlar oralig‘ida murabbiylik lavozimini tark etadigan Serjiu Konseysauga o‘rinbosar izlashda davom etmoqda.
"Rossonerilar"ning asosiy nishoni "Bolonya" bosh murabbiyi Vinchenso Italyano bo‘lib qolmoqda. "Rossoblu" rahbariyati mutaxassisni muvaffaqiyatli mavsumdan keyin saqlab qolishiga ishonchi komil, ammo u bilan yangi shartnomaning ba’zi tafsilotlarini hali ham kelishib olmagan, "Milan" bundan foydalanishni istamoqda.
Insayder Janluka di Marsio xabariga ko‘ra, "Milan"ning yangi sport direktori Igli Tare allaqachon Italiano bilan bog‘lanib, unga mavsum uchun 4 mln yevro maosh taklif qilgan. Shuningdek, Massimiliano Allegri bilan ham aloqa o‘rnatilgan, ammo u "Napoli"ni boshqarishi taxmin qilinmoqda.
